Ensalada de alga wakame con polbo e maionesa de pemento sobre galletas Mariñeiras

Detalles

Racións

4 persoas

Tempo

30 minutos

Ingredientes

  • 10 g de alga wakame
    deshidratada

  • polbo cocido

  • galletas mariñeiras
    con sementes de chía

  • 2 culleres de vinagre de arroz
    ou outro tipo de vinagre

  • 1 culler de aceite de oliva

  • Para a maionesa:
  • 1 ovo

  • 1 culler de sobremesa
    de zume de limón

  • 1/2 culler de sobremesa de sal

  • 80 g de aceite de oliva

  • 80 g de aceite de xirasol

  • 1 culler de sobremesa
    de pemento picante

Pasos

  • Botamos as algas nun prato con abundante auga morna e deixamos durante 15 minutos para que se hidraten. Pasado este tempo escorrémolas e cortamos o polbo en anacos.
  • Mesturamos nun vaso unha culler de aceite de oliva con duas culleres de vinagre. Botamos a mestura sobre as algas e remexemos.
  • Para a maionesa:
  • Se non queremos facer na casa a maionesa podemos mesturar 3 culleres grandes de maionesa cunha culler de sobremesa de pemento até que estean ben integrados os dous ingredientes.
  • Para facela na casa botamos no vaso dun batedor o ovo, o sal, o pemento e 2 culleres grandes de aceite. A continuación batemos co batedor pegado ao fondo durante un minuto.
  • Continuamos batendo sen mover mentras botamos pouco a pouco o resto do aceite. Cando rematemos de botar o aceite, pasado un minuto máis ou menos cambiará o son que fai o batedor e comezamos a subilo de arriba a abaixo até que a maionesa estea lista.
  • Para a montaxe:
  • Colocamos sobre as galletas as algas, un pouco de maionesa de pemento por enriba e o polbo.