Detalles
Racións
2 persoas
Tempo
90 minutos
Print
Ingredientes
2 berenxenas
250 g de carne de porco picada
2 allos
1 cebola
1 pemento vermello
200 g de bechamel
150 g de queixo relado
350 g de salsa de tomate
1 chorriño de viño
Pasos
- Comezamos lavando as berenxenas e cortándoas pola metade cun corte lonxitudinal. A continuación facemos cortes na carne da berenxena formando cadradiños e con coidado de non romper a pel. Metémolas no forno a 180º durante 30 minutos cun chisco de sal e aceite por enriba.
- Pasado este tempo sacámolas do forno, cunha culler retiramos a carne e reservámola.
- Despois de cociñar as berenxenas cortamos a cebola, o allo e o pemento en brunoise. Imos comezar por rustrir a cebola a lume baixo cun chisco de sal até que estea transparente e logo engadimos o pemento e o allo.
- Agregamos tamén a carne picada e dourámola un chisco, pasados uns minutos regamos co vaso de viño e deixamos evaporar o alcohol. Despois diso incorporamos a carne da berenxena e o tomate frito e deixamos cociñar a fogo lento uns 15 minutos, remexendo de cando en vez.
- Cando teñamos a carne cociñada rectificamos de sal e cunha culler enchemos as berenxenas coa mestura que preparamos.
- Para rematar cubrímolas con bechamel e con queixo relado e metémolas outros 10 minutos no forno a 180º. Antes de sacalas do forno gratinamos até que se douren un pouco por enriba e servimos quentiñas.
