Espaguetes de cabaciña á puttanesca

Print

Pasos

• Comezamos lavando a cabaciña e facendo os espaguetes cun relador de verduras. Se non temos este relador especial podemos cortar a cabaciña en láminas e logo en tiras para facelos nós mesmos.
• Pelamos dous allos e cortámolos en anaquiños. Nunha tixola cun chisco de aceite douramos a fogo suave os allos e logo engadimos os espaguetes de cabaciña, salteamos uns minutos e retirámolos do lume cando estean cociñados pero aínda algo duriños. Reservamos os espaguetes. 
• Pelamos outros dous allos e esmagámolos coa man. Na mesma tixola douramos os allos cun chisco de aceite e logo engadimos as anchoas cortadas en anacos, remexemos cunha culler até que se desfagan e se forme unha pasta.
• Engadimos os tomates cereixa lavados e cortados pola metade e seguimos refogando até que comecen a soltar o mollo. Neste punto botamos as alcaparras e as olivas e seguimos remexendo até que se cociñen ben os tomates pero sen que rematen de desfacerse de todo para que fiquen máis vistosos.
• Servimos os espaguetes nun prato e por enriba o mollo de tomates e anchoas.