Detalles
Racións
2 persoas
Tempo
90 minutos
Print
Ingredientes
1 kg de carne de porco (agulla)
1 cebola
1 tomate
3 dentes de allo
4 cenorias
150 g de guisantes
1 pemento vermello
3 patacas
1 vaso viño do ribeiro
3 folliñas de loureiro
sal e pementa
Pasos
- Comezamos cortando a cebola, o allo e o pemento en brunoise. Pelamos e cortamos o tomate en cadradiños e reservamos todo.
- Na mesma pota onde imos cociñar todo, cubrimos o fondo con aceite e cando estea quente engadimos a carne, que previamente salpimentamos, e selamos ben polos dous lados para evitar que se seque ao cociñala.
- A continuación rustrimos a cebola a lume baixo até que estea transparente e engadimos o pemento e o allo. Pasados uns minutos, regamos co vaso de viño e deixamos evaporar o alcohol.
- Despois diso adicionamos o tomate e as follas de loureiro e mesturamos todo ben. Deixamos cociñar un pouco e engadimos tamén os anacos de carne, cociñamos a fogo lento uns 40 minutos remexendo de cando en vez para que non se pegue ao fondo.
- Cando teñamos a carne a medio pasar engadimos un vasiño de auga, os guisantes e as patacas peladas e cortadas en anacos. Rectificamos o sal e deixamos outros 20 minutos máis ou menos até que se cociñen as patacas. Servimos quentiño.
