Detalles
Racións
4 persoas
Tempo
30 minutos
Print
Ingredientes
3 limóns
250 g de queixo mascarpone
200 ml de nata para montar fría
80 g de azucre
3 claras de ovo
Pasos
- Lavamos ben e relamos a monda de dous limóns dos limóns e exprimímolos.
- Botámoslles un chisquiño de sal ás claras e comezamos baténdoas a baixa potencia cun batedor de globo eléctrico, engadimos pouco a pouco o azucre sen deixar de bater e cando o teñamos todo imos subindo a potencia até que estean montadas.
- Nun cunco diferente botamos a nata e o queixo mascarpone. Mesturamos até conseguir unha crema consistente, engadímoslle o zume de limón e a reladura e seguimos mesturando.
- A continuación botámoslle pouco a pouco as claras montadas, integrándoas suavemente e con movementos envolventes para que non perdan a textura.
- Cando teñamos todo ben mesturado, separamos a mousse en vasiños individuais e deixamos repousar na neveira unhas 3 horas como mínimo. Servimos os vasiños de mousse coa reladura do último limón por enriba e cunhas folliñas de menta para decorar.
