Quiche de brócoli e queixo San Simón

Print

Pasos

• Lavamos o brócoli, separamos as ramas máis grandes e cocemos durante 5 ou 10 minutos até que fique ‘al dente’.
• Cortamos a cebola en brunoise e pochamos nunha tixola con un pouco de aceite.
• Mentras se pocha a cebola e coce o brócoli quentamos o forno a 180 graos e metemos a masa follada nun molde cubrindo a masa con garbanzos crus para evitar que suba. Deixamos 15 ou 20 minutos até que a masa este case feita e retiramos os garbanzos.
• Batemos os 2 ovos ben con un batedor de varas e engadimos a nata para cociñar cando estén ben batidos. Engadimos pementa negra moída e un pouco de sal.
• Cando o brócoli este cocido, reservamos as ramas máis vistosas e cortamos en anacos o resto.
• Mesturamos o brócoli cortado coa cebola na tixola e salteamos uns minutos.
• Engadimos o brócoli salteado coa cebola ao ovo e á nata e mesturamos.
• Cortamos o queixo en taquiños e engadimos á mestura anterior.
• Mesturamos ben o ovo e a nata coas verduras e o queixo e vertémolo enriba da masa follada no molde.
• Colocamos as ramiñas de brócoli máis vistosas por riba do recheo introducindo o talo das ramas na mestura.
• Metemos no forno 30 minutos aproximadamente até que se solidifique o recheo e colla algo de cor.
• Retiramos do forno e deixamos arrefriar uns minutos antes de quitar do molde.