Biscoito de plátano e chocolate

Print

Pasos

• Botamos o iogur nun cunco para empregar o vasiño como medida.
• Tamizamos a fariña e engadimos o sobre de levadura. Mesturamos ben nun cunco e reservamos.
• Batemos os 3 ovos co azucre e cando estén ben mesturados engadimos o aceite e o iogur. Seguimos batendo coa axuda de un batedor de varas.
• Mondamos 2 plátanos e pisamolos nun cunco, cando teñamos unha papa de plátano engadímolo aos ovos.
• Engadimos ao bol da fariña e a levadura a outra mestura e batemos ben para evitar grumos.
• Engadimos unha culler de cacao en pó e seguimos remexendo.
• Cortamos o chocolate en cadradiños coa axuda de un coitelo e unha táboa de madeira. O ideal sería dividir cada onza de chocolate en 6 cadradiños.
• Engadimos os anacos de chocolate á masa e mesturamos ben.
• Prequentamos o forno a 180 graos con calor arriba e abaixo e colocamos a masa nun molde con papel de forno ou untamos o molde con manteiga para evitar que se pegue.
• Por último pelamos e cortamos lonxitudinalmente un plátano e colocámolo coa parte plana cara arriba no centro do biscoito.
• Metemos no centro do forno 30/35 minutos a 180º. Se picamos o biscoito e sae seco, estará listo.
• Deixamos arrefriar 15 minutos e quitamos o molde.