Detalles
Racións
2 persoas
Tempo
3 horas
Dificultade
Fácil
A salsa bizkaina é un mollo elaborado con cebola e carne de pementos chouriceiros. Faise a lume baixo durante varias horas para caramelizar as cebolas e unha vez lista cociñase nela o bacallau.
Print
Ingredientes
2 lombos de bacallau (400 g)
2 cebolas moradas
1 porro
125 g de carne de pemento choriceiro
8 dentes de allo
1 pemento vermello
aceite
150 ml de viño branco
Pasos
- Confeitamos os allos no aceite, a lume moi baixo durante uns 15 minutos para darlle sabor ao aceite. Pasado o tempo retirámolos.
- Botamos no aceite a cebola, o pemento e o porro picados ben finos, engadimos sal e refogamos a lume baixo durante unha hora e media máis ou menos, remexendo para que non se pegue ao fondo.
- Engadimos o viño, remexemos ben e deixamos a fogo baixo media hora movendo de cando en vez.
- Engadimos un pouco de auga ou caldo de peixe, e deixamos cociñar 30 minutos.
- A continuación botamos a polpa dos pementos chouriceiros, mesturamos todo e deixamos outros 30 minutos. A polpa de pemento podemos mercala en bote ou mercalos secos e hidratalos e quitarlles a polpa cunha culler. A pel non se usa porque é moi amarga.
- Pasado todo este tempo as verduriñas estarán ben pasadas xa, retiramos do lume e pasamos por un pasa-puré.
- Voltamos botar a salsa na mesma pota e colocamos o bacallau coa pel para arriba, ben sumerxido no mollo. Deixamos uns 10 minutiños que se cociñe no propio mollo e servimos.
