Detalles
1 persoa
5 minutos
O caipirinha é unha bebida moi famosa de orixe brasileiro. Faise con cachaça, unha bebida alcohólica destilada que provén da cana de azucre. No Brasil é unha bebida moi común, tómase a todas horas, incluso coa comida.
O seu nome é un diminutivo da palabra caipira, que se emprega para referirse a alguén que procede do campo. A orixe desta bebida está nunha receita popular feita con limon, allo e mel para curar a gripe.
Da receita orixinal xurdiron numerosas versións con outras froitas como o caipirinha de froita da pasión ou de amorodo. Ou incluso con outros destilados, como o caipiroska, que emprega o vodka en lugar da cachaça.
O habitual é facela no mesmo vaso que a imos tomar, pero se temos que preparar moitas xuntas podemos empregar un recipiente máis grande e logo botalo en vasos.
Print
Pasos
- Este cóctel faise directamente no vaso onde o imos beber e necesitamos xeo picado. Podemos mercar xeo picado ou botar unhas pedras de xeo nunha bolsa de conxelar e golpealas cun morteiro até que se desfagan todas.
- Lavamos e cortamos as limas en anacos pequenos e engadímolas ao vaso.
- Botámoslles o azucre por enrima e machucamos todo cun morteiro até expremer as limas.
- Engadimos a cachaça e enchemos o vaso de xeo picado.
- Adornamos cun anaco de lima no vaso.
