Crema de chícharos con aceite de hortelá

Print

Pasos

• Lavamos as follas de hortelá e secamos con un anaco de papel de cociña. Botamos nun vaso de batedora as follas limpas e cubrimos con 50 ml de aceite de oliva suave. Podemos reservar unhas folliñas para decorar o prato. Tapamos o vaso con film transparente e deixamos na neveira para que se mesturen os aromas. Canto maior tempo estén maior sabor collerá o aceite.
• Lavamos e cortamos en anacos os porro e cortamos a cebola e brunoise.
• Botamos un pouco de aceite nunha pota e cando este quente refogamos a cebola e o porro.
• Apartamos un momento a pota do lume até que arrefrie un pouco o aceite e cubrimos con auga abundante.
• Pelamos e cortamos a pataca en tacos e engadimolo á pota.
• Deixamos cocer 10 minutos e a continuación engadimos os guisantes.
• Cando os guisantes estén cocidos, 10 minutos aproximadamente, apagamos o lume e batemos todo con unha batedora deixando unha crema homoxénea.
• Por último, pasamos pola batedora o aceite coas follas de hortelá e botamos un chisco de aceite por riba da crema despois de servila no prato.
• Podemos decorar o prato con follas de hortelá e con pan de molde torrado e cortado en dadiños.