Crema de cabaza, boniato e cenoria con mozzarella

Escrito por en en Principais, Vexeta

Detalles

Racións

4 persoas

Tempo

45 minutos

PrintPrint

Ingredientes

  • 700 g de cabaza

  • 350 g de boniato

  • 350 g de cenorias

  • 1 porro

  • 1 cebola

  • AOVE (aceite de oliva)

  • queixo mozzarella
    para acompañar

  • xenxibre fresco (6g)

PrintPrint

Pasos

  • Pelamos a cabaza, as cenorias e o boniato e cortámolas en anacos.
  • Pelamos e cortamos a cebola e o porro.
  • Botamos aceite nunha pota, deixamos que quenza un pouco e salteamos a cebola e o porro cun pouco de sal.
  • Cando a cebola comece a estar transparente engadimos a cabaza, o boniato e a cenoria. Salteamos todo remexendo de cada pouco durante uns 10 minutos.
  • A continuación engadimos o xenxibre pelado e cubrimos con auga todas as verduras. Poñemos a quentar e cando comece a ferver baixamos un pouco o lume, deixamos uns 20 minutos até que todo estea ben cocidiño.
  • Mentras tanto poñemos a mozzarella a escorrer nun coador.
  • Cando teñamos todo cocido agardamos a que arrefríe un pouco e trituramos cun batedor até obter unha crema fina. Probamos como está de sal, engadimos un pouco máis se fose necesario, e batemos co batedor para mesturar ben.
  • Rompemos a mozzarella en anacos coas mans e finalmente servimos a crema nun cunco con mozarela e pementa moída por enriba.