Croquetas de centola

Print

Pasos

• Retiramos toda a carne da centola e reservamos.
• Temperamos un pouco o leite e o caldo.
• Picamos ben finiña a cebola e o allo. Nunha pota pequena con aceite e cun chisco de sal refogámolos até que a cebola se poña transparente. Engadimos a manteiga e derretemos ben.
• Cando teñamos a manteiga fundida imos engadindo a fariña pouco a pouco e remexendo cunha culler de pau até que teñamos unha masa homoxénea. Remexemos constantemente e deixamos uns 5 minutos até que se doure a fariña para evitar o sabor a fariña crúa.
• Cando colla cor e estea cociñada, poñemos a fogo medio e engadimos pouco a pouco o leite mentras imos remexendo cun batedor de globo. Cando rematemos co leite engadimos o caldo de peixe e seguimos remexendo durante 10 minutos máis ou menos até que quede ben cremoso. Se vemos que a textura é moi densa podemos engadir un chisco máis de leite ou caldo para que quede máis cremosa, pero con ollo de non pasarnos. Se a bechamel é demasiado líquida poden rompernos as croquetas ao fritilas.
• Botamos sal e pementa moída e mesturamos todo ben.
• Engadimos a carne da centola desfiada e mesturamos ben até que fique unha mestura homoxénea.
• Cando teñamos a bechamel preparada, collemos unha bandexa alongada, untamos cun chisco de manteiga o fondo e vertemos a bechamel nela, extendendoa ben para que quede uniforme. Tapamos con papel film e deixamos arrefríar un pouco antes de metelo na neveira. O ideal é deixalas dun día para o outro para que estean ben frías e se formen ben.
• Ao día seguinte, batemos un par de ovos nun prato fondo. Botamos tamén noutros dous pratos separados a fariña e o pan relado.
• Sacamos a bandexa da neveira e cun coitelo cortamos cadradiños do mesmo tamaño. Imos collendo estos cadrados, facendo boliñas coas máns e deixándoas sobre a fariña. Podemos mollar un pouco as máns con auga para evitar que se nos peguen. Cando teñamos unhas cantas, pasámolas ben pola fariña, a continuación polo ovo e finalmente polo pan relado. Reservamos e repetimos o proceso até acabalas.
• Neste punto podemos aproveitar para conxelalas antes de fritilas, nós gardámolas nun tupper e metémolas no conxelador. So precisaremos desconxelalas un pouco e fritilas cando desexemos.
• Para fritilas collemos un cazo, botámos nel abundante aceite de xirasol, o suficiente para que as cubra por completo. Cando estea ben quente, poñemos a fogo medio e imos botándoas con cuidado de 3 en 3, dependendo do tamaño do cazo, e movémolas con dous garfos para que se fagan ben por todos os lados. Nun minuto máis ou menos, cando estean douradiñas, sacámolas cunha escumadeira e escorremos ben. Unha vez escorridas colocámolas sobre papel de cociña para que absorva o aceite sobrante. Para fritilas empregamos aceite de xirasol no canto de oliva porque é máis suave e non lle da tanto sabor ás croquetas.
• Servimos quentiñas e … a desfrutalas!!