Crostata de queixo fresco e froitos vermellos

Print

Pasos

• Para a masa:
• Comezamos facendo a masa. Para iso mesturamos a manteiga a temperatura ambiente co azucre e as améndoas moídas coa axuda dun batedor de globo.
• Cando estea uniforme engadimos o ovo e a fariña pouco a pouco até ter unha mestura homoxénea. É unha masa bastante pegañenta, unha vez engadida a fariña mesturamos cunha lingua pasteleira.
• Despois de ter a masa preparada, botámola sobre un film transparente, cubrímolo con forma de bola e deixámolo repousar na neveira unha hora como mínimo. Podemos facela dun dia para o outro se queremos.
• Para o recheo:
• Lavamos un limón e relamos a sua pel, evitando partes brancas para que non amargue demasiado. Escorremos o soro do queixo e mesturamos coa reladura do limón e co azucre. Reservamos.
• Batemos a marmelada cun batedor para que fique máis líquida e reservamos
• Para montar a torta:
• É unha masa bastante pegañenta e dificil de traballar. Imos sacala da neveira e manipulala o máis rápido posíbel para evitar que se quente e sexa máis difil manexala. Cun rolete estendémola sobre papel de forno e colocámola sobre o molde. Colocámola ben e prememos nos bordos para retirar a parte sobrante. Retiramos o papel e cos anacos de masa que nos sobren facemos outra boliña e gardámola na neveira.
• Botamos por enriba da masa o queixo e a continuación a marmelada, esparexéndoas ben para que fiquen uniformes.
• Estendemos a boliña de masa que nos sobrou e facemos tiras que colocaremos cruzadas sobre a torta.
• Metemos no forno, que previamente quentamos a 170ºC, deixamos uns 35 minutos até que se doure a masa por enriba.
• Deixamos arrefríar un chisco antes de desmoldala e gardámola na neveira para servila ben fresquiña.