Empanada de pisto

Print

Pasos

• Para a masa:
• Quentamos a auga para que estea morna.
• Mesturamos a fariña coa sal e facemos unha montaña. Desfacemos o lévedo no medio da montaña e imos botando a auga pouco a pouco e mesturando.
• Amasamos durante 15 minutos, formamos unha bola coa masa e deixamos levedar durante 2 horas cuberta cun pano.
• Para o recheo:
• Cortamos as verduras en brunoise.
• Botamos nunha tixola un pouco de aceite a lume medio.
• Engadimos os allos e pochamos a cebola durante 5 minutos con un chisco de sal. Engadimos os pementos e deixamos pochar outros 10 minutos.
• Engadimos a cabaciña e a berenxena e seguimos pochando a lume lento.
• Cando todas as verduras estean feitas trituramos os tomates e engadímolos á tixola. Botamos sal e pementa moída ao gusto.
• Deixamos cociñar durante outros 15 ou 20 minutos a lume baixo.
• Montaxe:
• Partimos a masa en dous e extendemos a primeira cun rolete.
• Colocamos a masa sobre papel de forno nunha bandexa.
• Colocamos o pisto enriba da masa deixando os bordes.
• Extendemos o outro anaco de masa e colocamos a tapa enriba da empanada. Con dous dedos unimos os bordes da masa e pinchámolos cun garfo.
• Facemos un burato no medio da tapa da empanada para que saia o vapor. Podemos pintala con ovo batido por enriba para que lle de un toque de cor.
• Metemos no forno que previamente quentamos a 200 graos con calor arriba e abaixo e sen ventilador durante 20 ou 30 minutos, até que a tapa quede douradiña.