Flan de castañas

Print

Pasos

• Para facer o caramelo:
• Podemos facer caramelo caseiro ou mercalo xa feito, o resultado será moi parecido. Se xa o temos feito saltamos o seguinte paso.
• Botamos nun cazo primeiro a auga e a continuación o azucre. Poñémolo a lume medio e sen remexer imos movendo pouco a pouco o cazo con movementos envolventes. Pasados uns minutos remexemos cunha culler de pau até que se integre todo. Cando comece a coller color apagamos o lume. Deixamos un pouco máis no lume apagado para que acabe de facerse.
• Vertemos o caramelo no fondo das flaneiras e deixamos arrefriar.
• Para o flan:
• Trituramos as castañas cun pouco de leite no vaso dun batedor e a continuación engadimos o azucre e os ovos. Seguimos batendo co batedor e botamos o resto do leite e a nata. Mesturamos todo ben co batedor e enchemos as flaneiras, con atención de non enchelas de todo para que non sobresaia ao cociñarse.
• Imos cociñalos ao baño maría. Colocamos todas as flaneiras nunha bandexa alta apta para o forno. Botamos auga no fondo da bandexa até cubrir uns 2/3 das flaneiras e metémolo no forno, que previamente quentáramos a 170º. Deixamos uns 45 minutos máis ou menos.
• Retiramos do forno e deixamos que arrefríen de todo antes de metelos na neveira.
• Servimos ben fríos fora dos moldes e acompañados de nata batida e castañas en almibre. Para sacalos dos moldes pasamos con moito cuidado entre o molde e o flan unha folla fina de coitelo para despegalos e a continuación dámoslles a volta sobre o prato nos que os vamos servir.