Gin Fizz

Escrito por en en Cócteles

Detalles

Racións

1 persoa

Tempo

5 minutos

Un dos meus cócteles favoritos é o Gin Fizz, ten toques cítricos e faise con xenebra. Xorde nos Estados Unidos durante os anos 20 e pertence á familia dos fizz, un conxunto de cócteles que se caracterizan por ter un cítrico e un toque efervescente. Este clásico prepárase con xenebra, zume de limón, azucre, unha clara de ovo e un chorriño de soda. A clara de ovo ao axitala na cocteleira crea unha escuma por enriba que lle da a textura que o caracteriza. É esponxoso e suave e está realmente delicioso. 

PrintPrint

Ingredientes

  • 45 ml de xenebra

  • 30 ml de zume de limón

  • 80 ml de soda

  • 1 culler de azucre

  • 1 clara de ovo

  • Xeo

  • Para preparalo:

  • Vaso alto

  • Cocteleira

PrintPrint

Pasos

  • Botamos nunha cocteleira a xenebra, o zume de limón, a clara de ovo, o azucre e duas ou tres pedras de xeo. Batemos enérxicamente.
  • Vertemos o contido da cocteleira no vaso, pero sen os xeos. A clara do ovo debería ter creado espume ao axitala.
  • Engadimos a soda con cuidado sobre a mestura.
  • Decoramos cunha roda de limón o vaso.