Mexilóns con garavanzos

Detalles

Racións

2 persoas

Tempo

30 minutos

Dificultade

Moi fácil

Ingredientes

  • 300 gramos de garavanzos cocidos

  • 500 gramos de mexilóns crús con cuncha

  • 1 pemento italiano verde

  • 1/2 pemento vermello

  • 1 cebola

  • 3 allos

  • sal

  • pimentón doce

  • pimentón picante

Pasos

  • Lavamos os mexilóns e quitámoslles as barbas con un coitelo.
  • Nunha pota botamos dous dedos de auga, un pouco de sal e engadimos os mexilóns.
  • Poñemos a pota a lume medio 10 minutos máis ou menos, até que abran os mexilóns.
  • Cando os mexilons abran, apagamos o lume e escorrémolos gardando a auga.
  • Agardamos a que os mexilóns arrefríen e sacámoslles a cuncha.
  • Pelamos os allos e cortamos a cebola e os pementos en brunoise.
  • Nunha pota con un pouco de aceite botamos os allos, a cebola e pochamos uns minutos con un chisco de sal.
  • Engadimos os pementos e seguimos pochando coa tampa da pota posta, para que se fagan co vapor.
  • Cando as verduras estén ben pochadas engadimos os garavanzos e a auga de cocer os mexilóns coada.
  • Engadimos os mexilóns sen cuncha, media cullerada de sobremesa de pimentón doce e media cullerada de sobremesa de pimentón picante.
  • Deixamos cocer 5 minutos e repousamos.