Torta de cabaza

Print

Pasos

• Para a masa:
• Cortamos a manteiga en taquiños.
• Botamos a fariña nun cunco e a continuación mesturamos os taquiños de manteiga, a fariña e o azucre cos dedos. Imos mesturando ben até quedar unha masa uniforme.
• Engadimos un chisco de sal e o ovo sen bater e mesturamos ben coas mans até que fique homoxénea a masa.
• Cando teñamos a masa lista facemos unha boliña con ela e envolvémola en papel film. Gardámola no frigorífico durante 1 hora aproximadamente para que acabe de formarse.
• Para o recheo:
• Tiramos a casca e as pebidas da cabaza e cortámola en tacos.
• Cocemos a cabaza nun cazo con auga durante uns 15 minutos até que estea ben pasada e blandiña.
• Escorremos a cabaza e triturámola con un batedor.
• Engadimos o leite, a nata e o azucre e batemos.
• Engadimos os ovos e seguimos mesturando.
• Por último engadimos a canela e o xenxibre en pó e acabamos de mesturar até ter unha masa homoxénea.
• Despois de ter unha hora a masa na neveira, sacámola e extendémola con un rolete enriba de papel de forno. A continuación, colocamos a masa no molde coa axuda do papel.
• Cubrimos a masa co mesmo papel de forno e poñémoslle peso enriba. Nós usamos sempre garavanzos para isto.
• Metemos no forno prequentado a 180 graos durante 10 minutos para que se cociñe un pouco a masa e sacámola.
• Cando a masa estea un pouco dourada, vertemos o recheo e voltamos meter no forno durante 30 minutos aproximadamente a 180 graos. Cando o recheo estea sólido e o piquemos con un pauiño e saia limpo, a torta estará pronta.