Moscow mule ou mula de Moscú

Detalles

Racións

1 persoa

Tempo

5 minutos

Alá polos anos 40 o vodka non era aínda popular fora de Rusia ou o centro de Europa, foi entón cando un par de empresarios estadounidenses que querían darlle saída aos seus produtos inventaron o Moscow Mule, ou mula de Moscú, que chegou a ser un dos cócteles máis populares na súa época e chegou até hoxe, convertíndose nun clásico. Este combinado faise con vodka, cervexa de xenxibre, zumo de lima e xeo picado. Unha curiosidade desta bebida é que se serve en xarras de cobre, así mantense fría moito máis tempo. É unha mestura moi fresquiña e cun sabor ben diferenciado grazas a cervexa de xenxibre. 

Ingredientes

  • 60 ml de Vodka
    (2 medidas)

  • 120 ml de Ginger Beer
    ou Ginger Ale

  • 25 ml de zume de lima
    (1/2 lima)

  • Hortelá fresca

  • Xeo picado

  • Para servir:
  • 1 taza de cobre

Pasos

  • Imos necesitar xeo picado, podemos mercalo directamente ou botar unhas pedras nunha bolsa de conxelar e golpealas cun morteiro até que se desfagan.
  • Introducimos o xeo picado até cubrir metade da xarra.
  • Engadimos o vodka e o zume de lima. A continuación botamos a cervexa de xenxibre até encher a xarra e remexemos con suavidade.
  • Decoramos a mestura cunha roda de lima e unhas folliñas de hortelá.