Torradas de crema de augardente

Print

Pasos

• Lavamos o limón e a laranxa e sacamoslles a metade da monda coa axuda dun pelador. Evitamos a parte branca porque amargaría demasiado.
• Quentamos nun cazo o leite coa monda do limón, da laranxa e a rama de canela e a crema de oruxo. Agardamos a que ferva e cando levante o fervor apagamos o lume e deixamos emulsionar 10 minutos.
• Batemos os ovos ben até que teñan algo de escuma.
• Coamos o leite e botámolo nun prato.
• Cortamos a barra de pan en diagonal en rebandas de 2 dedos de grosor mais ou menos.
• Imos mollando as rebandas polos dous lados, primeiro no leite até que se enchoupen ben e despois pasámolas polo ovo. Despois colocámolas nunha bandexa para o forno enriba de papel para cociñar.
• Metémolas no forno na posición seguinte á do medio co grill a 250 graos e deixámolas 6 minutos aproximadamente até que se douren. Cando collan cor dámoslles a volta e deixamos outros 6 minutos.
• Retirámolas da bandexa do forno con coidado e colocámolas onde as vaiamos servir.
• Mesturamos canela en pó con azucre nun cunco e botámolo por riba das torradas.