Bica de Trives

Print

Pasos

• Para o fermento:
• Botamos a fariña nun cunco, facemos un pequeno burato no medio e botamos o lévedo fresco no medio. Botamos a auga morna e coa axuda das mans disolvemos ben o lévedo e mesturamos todos os ingredientes.
• Amasamos coas mans durante 5 minutos e deixamos toda a noite na neveira tapada con un pano ou con filme transparente.
• Como facer manteiga de vaca cocida ou manteiga clarificada:
• Poñemos nun cazo a manteiga a lume baixo e remexemos pouco a pouco até que se derreta toda pero sen que chegue a ferver. Cando se derreta toda, retiramola do lume, colocamos nun cunco de cristal e deixamos arrefriar un pouco.
• Observaremos 3 capas: Unha primeira de escuma, despois unha máis amarela e finalmente unha terceira máis líquida. Retiramos a primeira escuma e tirámola.
• A segunda capa é a que nos interesa, retirámola con cuidado sen mesturala coa outra.
• Para a bica:
• Separamos as xemas das claras dos ovos.
• A manteiga de vaca cocida, ben feita na casa ou ben comprada, ten que estar medio derretida. Se non é asi damoslle un golpe de calor no microondas a mínima potencia ou ao baño maría.
• Mesturamos a manteiga co azucre con un batedor ata que quede de cor branca.
• Engadimos as xemas e a reladura do limón á manteiga.
• Con unha cullerada de leite disolvemos un pouco o fermento e engadímolo á mestura aos poucos. Mesturamos ben todos os ingredientes coa axuda do batedor.
• Engadimos un chisco de sal ás claras e cun batedor de varas montámolas a punto de neve.
• Tamizamos a fariña e botámola co resto de ingredientes e remexemos para mesturar todo.
• Imos usar un molde rectangular, de 30×21 cm aproximadamente. Cubrímolo con papel de forno e botamos a masa da bica.
• Mesturamos o azucre da cobertura con un pouco de canela, e botámolo por riba da masa da bica.
• Metémolo no forno, que previamente quentamos, a 180 graos durante 45 minutos. Os últimos 15 minutos se vemos que está moi dourado cubrímolo con papel de alumínio para que non se queime.
• Deixamos arrefriar e tiramos o molde. Esperamos a que arrefrie de todo para desfrutala.