Detalles
Racións
2 persoas
Tempo
45 minutos
Print
Ingredientes
½ cabaza
2 iogures naturais
zume de medio limón
5 dentes de allo
pementa negra
8 noces peladas
½ milgranda
sal
aceite de oliva
Pasos
- En primeiro lugar tirámoslle a casca á cabaza e cortámola en cuarteiróns. Nunha bandexa para o forno colocamos papel vexetal e dispoñemos sobre ela os anacos de cabaza xunto con 4 allos enteiros e sen pelar.
- Botámoslles sal e pementa moída por enriba e regamos cun chorriño de aceite todos os anacos. Imos metela no forno, que previamente quentamos a 180º C, durante uns 40 minutos máis ou menos.
- Mentras se cociña a cabaza aproveitamos para facer o mollo de iogur. Exprememos o zume de medio limón e botámolo no vaso dun batedor, a continuación engadímoslle un allo pelado e trituramos. Agregámoslle os dous iogures, un chisco de sal e un chorriño de aceite e remexemos ben até que se integren todos os ingredientes.
- Cando teñamos a cabaza pronta, retiramos do forno e servimos nos pratos con mollo de iogur por enriba e decorada con anacos de noz e sementes de milgranda.
