Follados de grelos, queixo de Arzúa e noces

Print

Pasos

• Imos empregar grelos xa cociñados, para aprender a preparalos podes ver aquí as nosas indicacións. Podemos empregar grelos de lata tamén, o resultado será igual de bo.
• Cortamos a cebola en brunoise e rustrímola cun pouco de aceite e sal nunha tixola até que quede transparente. Engadimos os grelos ben escorridos e rustrímolos xunto á cebola uns minutos.
• Engadimos a nata aos grelos e cociñamos un pouco, engadimos o queixo cortado en cadradiños e remexemos até que o queixo se derreta e a nata espese. Botámoslle pementa moída e engadimos tamén as noces peladas e cortadas en anacos. Mesturamos todo e reservamos.
• Extendemos a masa follada até ter un rectángulo e cortámolo en 4 anacos iguais. Pregamos pola metade cada un dos anacos e enchémolos coa mestura de grelos deixando libre os bordos para poder pechalo ben. Coa axuda dun garfo imos premendo os bordes para pechar a masa.
• Batemos un ovo e pintámos cun pincel por enriba as empanadiñas. Metemos no forno, que previamente quentamos a 180º, deixamos uns 20 ou 30 minutos até se doure a masa por enriba.
• Podemos comelos temperados ou fríos, como máis gostemos. Aguantan varios días unha vez feitos.