Detalles
Racións
8 persoas
Tempo
75 minutos
A queixada é un doce típico de Cantabria, a receita orixinal elabórase cunha especie de queixo fresco preparado con leite de vaca callada. Na actualidade é dificil atopar este tipo de queixo, pero podemos substituilo por leite e un iogur natural e obteremos un resultado igual de bo. Esta é a receita da nai dunha amiga, Mari Luz, unha galega que vive en Santander.
Print
Ingredientes
200 g de fariña de trigo
300 g de azucre
3 ovos
100 g de manteiga
en pomada750 ml de leite
1 iogur natural (125g)
reladura dun limón
canela en pó
- MOLDE
Bandexa rectangular para o forno
(30×21 cm)
Pasos
- En primeiro lugar separamos as claras das xemas dos ovos.
- Batemos as xemas cun batedor de globo, engadimos o azucre e a manteiga e seguimos batendo.
- Engadimos tamén o iogur e a fariña peneirada pouco a pouco mentras imos batendo.
- Finalmente engadimos tamén o leite e a reladura do limón e mesturamos todo.
- Imos montar as claras, botámoslles un chisco de sal, comezamos batendo cun batedor de globo a potencia baixa e imos subindo a potencia até que as teñamos montadas.
- Incorporamos as claras pouco a pouco ao resto dos ingredientes, con movementos envolventes para non perder o aire.
- Vertemos nunha bandexa para o forno e botámoslle canela en po por enriba.
- Metémola no forno, que previamente quentamos a 180ºC e deixámola unhos 60 minutos. Se vemos que se comeza a queimar por enriba, podemos cubrila cun anaco de papel albal para evitalo.
- Sacámola do forno e deixamos arrefriar para comela.
