Torta de cereixa

Print

Pasos

• Lavamos as cereixas e quitámoslles o oso. Podemos facelo premendo cos dedos até que saia ou cortando cun coitelo pola metade.
• Botámos as cereixas sen oso nun cunco e engadimos o azucre e o zume de limón. Gardamos na neveira e deixamos macerar durante unhas 8 horas, podemos deixar dun día para outro.
• Pasado este tempo as cereixas xa soltaron todo o seu zume, engadímoslles a maicena e mesturamos ben para que se disolva.
• Para a masa:
• Botamos a manteiga fría en cadriños nun cunco, engadimos a fariña o azucre e un chisco de sal. Mesturamos coas mans até que se forme unha especie de masa areosa, engadimos o limón e a auga e seguimos amasando até ter unha masa homoxénea.
• Facemos unha bola, envolvémola en papel film e metemos na neveira durante unha hora polo menos.
• Para facer a torta:
• Cortamos a masa en dous anacos, un deles un pouco máis grande que o outro. Cun rolete e sobre unha folla de papel de forno estendemos a bola máis grande até que teña uns 3 ou 4 mm de espesor.
• Colocamos a masa no molde co papel de forno por abaixo para evitar que se pegue e deixando que os bordes da masa saian un pouco por fora.
• Botamos as cereixas sobre a masa e estendemos para que quede uniforme a superficie.
• Coa axuda dun rolete estendemos o outro anaco de masa e cortamos tiras de 2 dedos de ancho máis ou menos. Colocámolas sobre a torta entrecruzándoas para que queden máis vistosas.
• Pegamos ben as tiras de masa aos bordes e dámoslles forma. A continuación batemos un ovo e pintamos a masa por enriba.
• Metemos no forno, que previamente quentamos a 180 graos durante 60 minutos. Se vemos que colle demasiada cor por enriba podemos cubrila con papel de aluminio por enriba para evitar que se queime.
• Aínda que pasado este tempo o recheo de cereixas estea líquido non pasa nada, pois ao arrefriar quedará máis espeso.
• Deixamos arrefríar antes de desmoldar. Servímola fría e tamén se pode acompañar con unha bola de xeado.