Detalles
Racións
4 persoas
Tempo
45 minutos
Ingredientes
500 g de berberechos
300 g de arroz
1 tomate maduro
1 cebola
2 dentes de allo
azafrán
1 vaso de albariño
1 l de fumet ou caldo de peixe
aceite de oliva
Pasos
- Comezamos un par de horas antes, poñendo os berberechos en abundante auga con un chisco de sal para depuralos. Pasadas as dúas horas lavámolos ben e escorrémolos.
- A continuación cortamos a cebola ben finiña e picamos os allos. Nunha pota ancha cun chorriño de aceite sofritimos a cebola e o allo cun chisco de sal até que estea transparente. Engadimos o tomate pelado, cortado en cadradiños pequenos e seguimos refogando uns minutos.
- Pasado este tempo botamos o vasiño de viño e deixamos reducir. Cando reduza engadimos o arroz e o azafrán e refogamos a lume forte uns 2 minutos. A continuación botamos o fumet e remexemos todo.
- Aos 10 minutos incorporamos os berberechos e deixamos outros 10 minutos a fogo medio-baixo. Finalmente retirámos do lume e deixámolo repousar 5 minutos tapado. Xa podemos desfrutalo!