Crema de cabaza

Escrito por en en Principais, Vexeta

Detalles

Racións

4 persoas

Tempo

45 minutos

Dificultade

Fácil

A chave para facer unha crema con todo o sabor é refogar ben os ingredientes antes de cocelos. No caso da cabaza podemos refogala e cocela ou tamén abrila á metade e asala no forno durante 30 minutos para posteriormente triturala co resto, con isto facemos que se caramelicen os azucres da cabaza e potenciamos o seu sabor. Grazas a pataca melloramos a textura da crema, pero podemos botarlle un pouco de nata para cociñar ou leite de coco unha vez triturada, se queremos que quede máis cremosa aínda.

PrintPrint

Ingredientes

  • 500 g de cabaza

  • 3 cenorias

  • 1 porro

  • 1 pataca

  • sal

  • aceite

  • 1 culler pequena de cúrcuma en pó

  • 1 culler pequena de curry

  • pementa negra moída

PrintPrint

Pasos

  • Tiramos a casca da cabaza e cortámola en dados. Lavamos e cortamos o porro en anacos.
  • Pelamos a cenoria e a pataca e cortámolas en pedazos.
  • Botamos nunha pota un chisco de aceite e cando estea quente engadimos a cenoria e o porro. Deixamos refogar 5 minutos a lume baixo, engadimos a cabaza e refogamos outros 5 minutos.
  • Botámoslle un chisco de sal e a pataca e cubrimos con auga.
  • Engadimos as especias ao gusto e remexemos.
  • Deixamos cocer todo durante uns 20 minutos, até que todas as verduras estean brandas e trituramos con un batedor.
  • Para servir podemos decorala con un pouco de ceboliño cortado por enriba.