Espetos de peixe sapo mariñado e lagostinos con maionesa de alfábega

Print

Pasos

• Para o mariñado:
• Limpamos e cortamos o peixe en anacos de 3 centímetros máis ou menos e salgámolo.
• Lavamos o limón e relamos a monda, a continuación exprimimos o zume. Reservamos.
• Nun morteiro esmagamos o allo e o xenxibre pelado.
• Nun cunco botamos o zume e a reladura do limón, o allo, o xenxibre e 2 culleres de aceite de oliva. Mesturamos todo ben.
• Engadimos o peixe sapo, botámostelle pementa moída por enriba ao gusto e deixámolo mariñar 30 minutos na neveira con un film transparente.
• Para a maionesa:
• Botamos no vaso dun batedor eléctrico un ovo e un chisco de sal. Engadimos o chorriño de zume de limón e a culler de mostaza. Batemos todo ao mínimo até que estea uniforme.
• Engadimos pouco a pouco o aceite de xirasol sen parar de bater até que espese e sen levantar o batedor do fondo do vaso.
• Engadimos pouco a pouco o aceite de oliva, e cando cambie o son que fai, comezamos a facer movementos verticais de arriba e abaixo co batedor até que teña a consistencia desexada.
• Cortamos as follas de alfábefa en tiriñas pequenas e engadímolas a maionesa.
• Para os espetos:
• Se imos empregar espetos de madeira, deixámolos a remollo en auga durante o mariñado.
• Cortamos unha cebola morada en cuñas e reservamos.
• Escorremos o peixe e gardamos a salsa do mariñado.
• Pelamos os lagostinos e deixámoslles a cabeza e a cola.
• Facemos espetos alternando cebola, peixe sapo e lagostinos mentras prequentamos o forno co grill á máxima temperatura.
• Cando o forno estea quente metemos os espetos na bandexa seguinte á do medio e cociñámolos co grill á maxima temperatura dándolles a volta e regándoos de vez en cando co mollo do marinado. Deixamos durante uns 8 ou 10 minutos até que o peixe e os lagostinos esten dourados, con moito cuidado de que non se queimen.
• Servimos os espetos coa maionesa de alfábega.