Lasaña de cabaza e grelos

Print

Pasos

• Comezamos quentando o forno a 200º. Mentras, cortamos a cabaza en anacos duns 2 dedos de grosor e tirámoslles a casca. Metémola no forno con sal, pementa e un chisco de aceite por enriba. Deixamos uns 40 minutos, sacámola e agardamos a que arrefríe un pouco. Finalmente, pisámola mesturándoa ben co mollo que soltou e reservamos.
• Se os grelos son frescos ou conxelados temos que escaldalos previamente con auga fervendo uns 5 minutos e seguimos cocéndoos noutra auga diferente outros 15 minutos. Se son de lata pasamos directamente a escorrelos. A continuación botámoslles un chorriño de aceite, sal e pementa. Se queredes saber máis sobre como preparar os grelos podedes consultalo aquí.
• Noutro cunco á parte mesturamos a mozzarella, 50 g de grana padano, o romeu, a ricotta e a reladura de medio limón e deixamos repousar.
• Para a bechamel
• Para facer a bechamel podedes seguir aquí a nosa receita da sección Básicas.
• Para montar a lasaña colocamos unha capa inicial de bechamel no fondo dunha bandexa apta para o forno e a continuación as placas de pasta, ⅓ da cabaza, ⅓ dos grelos e ⅓ da mestura do queixo. Cubrimos con outra capa de lasaña, bechamel, cabaza, grelos e queixo e repetimos así até ter tres pisos. Rematamos cunha capa de lasaña, cubrímola con abundante bechamel e o resto do queixo en pó.
• Para rematar, metemos no forno á máxima potencia co gratinador activado durante uns 5 minutos, até que se doure por enriba.