Detalles
Racións
2 persoas
Tempo
30 minutos
Print
Ingredientes
2 raxos de polbo cocidos
1 pataca pequena (150 g)
1 batata mediana (450 g)
50 g de manteiga
pemento moído picante
sal
aceite de oliva
pementa negra
Pasos
- Comezamos lavando e pelando a batata e a pataca. Cortámolas en anacos do mesmo tamaño e metémolos nun cazo cubertos con auga fria e un pouco de sal. Poñemos a lume medio e despois de que ferva deixamos uns 20 minutos, dependendo do tamaño dos anacos.
- Podemos picar cun garfo para ver se están cocidas. Escorremos ben e nun cunco á parte pisamos todo cun garfo xunto á manteiga e un chisco de pemento moído, sal e pimenta moída ao gusto. Pisamos até obter unha textura e cor uniformes.
- Por outro lado, facemos os raxos de polbo xa cocidos á grella cun chisco de aceite e até que collan algo de cor. Servímolos sobre unha cama de puré. Finalmente botámoslles un chorriño de aceite, sal e pemento moído por enriba. Podemos decorar cunha ramiña de romeu.
