Crema de castañas

Escrito por en en Principais

Detalles

Racións

4 persoas

Tempo

30 minutos

Dificultade

Fácil

PrintPrint

Ingredientes

  • 500 g de castañas crúas

  • 2 porros

  • 1 pataca

  • 75 ml de nata para cociñar

  • sal e pementa negra moída

PrintPrint

Pasos

  • Tiramos a pel de fora das castañas e poñémolas nun cazo con auga fría e un pouco de sal. Agardamos que empece a ferver e deixámolas 5 minutos.
  • Antes de que arrefríen tiramos a pel interior das castañas. Podemos ir sacándoas da auga pouco a pouco para que non enfríen e sexa máis sinxelo pelalas.
  • Lavamos e cortamos os porros e sofritímolos cun chisco de aceite a lume baixo. Engadimos a pataca pelada en anacos e cubrimos todo con abundante auga. Botamoslle sal e pementa moída.
  • Poñemos a fogo medio, cando leve un anaco fervendo engadimos as castañas peladas e deixamos cocer 15 ou 20 minutos até que todos os ingredientes estén brandiños.
  • Trituramos cun batedor e engadimos a nata para cociñar para darlle máis textura á crema. Remexemos todo a fogo baixo e retiramos do lume.
  • Podemos reservar algunha castaña enteira para enfeitar o prato.